FEAR FEAR DON MAKE SRI LANKA BAN SOCIAL MEDIA

TERRORISM: SRI LANKA SHUTS DOWN SOCIAL MEDIA Kiev, Ukraine - October 17, 2012 - A logotype collection of well-known social media brand's printed on paper. Include Facebook, YouTube, Twitter, Google Plus, Instagram, Vimeo, Flickr, Myspace, Tumblr, Livejournal, Foursquare and more other logos.

Ogas for Sri Lanka government on Monday don talk say some social media networks nor go work for some time for inside Sri Lanka, after messages wey some people been put online wan con cause some kin religious kwanta wey done dey hot since dem bomb church kill plenty people on Easter day.

PS Ruwan Gunasekara, wey be de talk talk person for dia police, say for example, one message wey dem writeput for facebook cause plenty gbege for inside one town wey e name na  Chilaw, 80km north to de capital Colombo.

De wahala come strong so tey some people con gada bodi scatter Islamic religious centre, but police don gbab one guy wey im name na Abdul-Hameed Mohamed, wey dey write tin wy fit make people vex con spiol tins, inside facebook.

Na tru out d nite dem con say make people nor waka about for northern Sri Lanka just to make sure say, wahala nor sele.

Gunasekara talk say many lie lie messages for inside social media don talk say bad people wey dem join terrorist group, dem don arrest dem near de capital and say three people, wey lie say dem dey learn how to be doctor for school, dem catch dem for one hospital wey far from d town.

Make anytin for nor loss, armed forces and police on Monday don arrange dem sefs ontop tori say bad belle people wey beterrorist group dey plan to attack different place for de capital.

leave a reply