De federal government of Naija don talk say people wey dey National Youth Service Corps, NYSC, go stat to collect N30,000 as dia new allawee everi month now wey government don agree make workers dey collect 30K as minimum wage.
Zainab Ahmed, wey be de minister of finance for naija na she talk dis good news for Abuja as she dey follow journalist talk. She say government still dey waka round how dem go pay de money before de money go start to reach de corpers dem hand.
She still talk say na N649.434 billion na de ministry don calculate as money wey remain to give state on top the mata.
“De tin be say Corpers money don rise, and na because say, de wey dem talk am from beginning wey be say na minimum wage corpers go dey collect.”
“So, corpers allawee gatz to rise to N30, 000. But i nor fit talk pass like this or tell una how e go be because we still dey talk de mata,” Zainab con talk.