De king of Swaziland, king Mswati wey get 15 wives don yan one big one o! E don command all de men wey dey dat place to marry scatter, marry as dem like, say make dem just dey point dey marry women as dem like, say any man wey marry only one wife na kirikiri dem go keep am till e old die.
Na for Mbabane inside Swaziland, na King Mswati trow way dis talk say na from June 2019, all men must to collect wives, if e nor plenty at all na two or even five wives na each man must marry, if not na kirikiri be dat.
De king, wey be say na 15 wives and 25 children im get, while im papa wey be de former king marry women wey plenty pass 70 con born 150+ children, talk say women plenty pass men inside Swaziland and na serious problem for de country wey get plenty girls wey neva do de tin before.
King Mswati con shout call all de men inside de country to marry if e nor plenty at all five women say de government nak chest say na im go pay bride prize con still buy house for dem.
King Mswati con draw ear say, disi one wey e don talk so, if any man or woman nor gree make dem marry follow am, e go spend de rest of im life for jail abi kirikiri.
As you know , most women na say make dem marry beta man wey go make dem happy and na only dem de man go dey look face but as e be for Swaziland now, na to share de tin be dat.