CASTER SEMENYA SAY NOTIN SPOIL, SHE SAY NOR BE TODAY IAAF PUT EYE FOR HER BODI

South African runner Caster Semenya, don talk say di decision of di Court of Arbitration for Sports nor fit stop her shine at all.

Semenya talk dis word after di Court of Arbitration for Sport (Cas) reject di South African runner challenge against di IAAF new rules.

Di court say wetin dey her body na wetin dey man body but if she wan follow women run she gat to take medicine to reduce the man power wey she get.

But this gbege touch other oda women wey dey run wey get high level of this man power wey dem call  testosterone, so dey must either take di medicine to fit compete for di 400m events or change dia event.

IAAF say dem dey “grateful to di Court of Arbitration for Sport”unto how dem sharply respond to di challenge.

Di new rules go begin in one week time and IAAF say make athletes wey feel say dem dey break di new law go consult wit dia medical team.

Dem also say make Cas no worry cos dem go implement di law wit “care and compassion.”

 

leave a reply