I NOR RUN, I READY TO GO KIRIKIRI! BUHARI NOR BE PRESIDENT OF NIGERIA – BABA ADEBANJO

I RATHER GO TO JAIL THAN RECOGNIZE BUHARI AS PRESIDENT– YORUBA LEADER, ADEBANJO

Na Chief Ayo Adebanjo, wey be leader of leader of one Yoruba group wey dem call Afenifere, the group sef don scatter into two, so na one part dey call am leader, e sha don talk say the election wey Nigeria do for Februay 2019 wey president Buhari take win say na wuruwuru election and because of that e nor go agree say Buhari na president of Nigeria.

The baba con say e nor fear some people wey their name na National Democratic Front (NDF) as dem dey open their mouth dey talk say make police catch am lock for kirikiri. He say make dem arrest am for treason if dey like, e nor go call Buhari presido of Naija.

Oya read wetin im use e hand write;

“I still dey talk wetin I don talk unless say Supreme Court come talk say na Buhari na im true true win the election. Unless that, i nor go see am as presido.

“we get plenty proof to show say the election plenty magomago dey inside. Make we leave am for court to kukuma decide am now. Na wetin I talk be that.

“because you know say nigeria law wey dey for book don talk say if person nor like wetin them do am, make im nor fight anybody but jeje go report am make court trash am.

“so na until court don talk say Buhari win, I nor go gree say im win.

“if dem take wetin I talk vex, oya na, I ready, come arrest me I nor run. You sef check am na? wetin I don talk wey come bad inside the mata?

“the only tin be say, for now o, na buhari be president if we follow wetin INCE talk but if you check am well sha, nor be im be the person gangan wey win the election.

So our law talk say who nor like the tin INEC talk make im go court,  na so e be.

“make dem relax, if court talk say na Buhari win, I go change mouth call presido but if na offence to waka follow our law, o boy! I over ready sef to go kirikiri.” Na the baba, Adebanjo talk am o

leave a reply