LIFE WAT? NA LIE! NO LIFE PENSION FOR UNA, DICKSON DON TELL BAYELSA LAWMAKERS

 

The Oga gidigba for Bayelsa state wey be the Governor and im name na Seriake Dickson, nor gree sign im signature put for the paper wey the national assembly send to am say abeg o, make im put im signature so that anybody wey dem elect or dem don elect am before before for the state go dey collect money from the state until that person go old and die.

Them say make e sign am o because all of them don agree say na so e go be o.

The man wey dey keep all the story matter for the state, wey dem call Commissioner for Information, Daniel Iworiso-Markson, na im talk say the governor nor gree sign that paper say that kind tin nor dey for Nigeria constitution.

“The tin wey them put eye take write this tin say make Bayelsa State House of Assembly members and even before before members, dem come even add all those people wey don work before for the assembly before dem share Bayelsa comot from Rivers State, collect government money for life, say this kind talk nor dey Nigeria constitution o.

“my mind nor agree say this tins correct and e fit be say this talk na wuruwuru d talk wey dem wan use add plenty people wey go collect this money. I nor believe am say the assemble get power take add people join other people wey suppose collect government money after dem work finish sitdown house.

.“if you look everywhere for Nigeria you go see say nobody don do this kind tin before. No state wey don add lawmakers join people wey suppose collect government money after them work retire for old age. I nor agree and I nor believe say Bayelsa state wey get plenty problem for head suppose be the first state wey go start this kind tin.

Because even money to collect from people for tax nor even dey because people nor dey pay and the money wey we manage to collect small well well.

Dickson con talk say e nor matter say e nor sign the people say e still respect all of them and make shame nor catch them because e really respect them  for the correct tins them dey do for the state.

leave a reply