MAKE UNA COME OO! ENUGU RANGERS DON BEAT STAR PLUS 4-1 TO CARRY ENUGU STATE FA TROPHY

Rangers International Football Club of Enugu na them be the new FA Cup champion inside Enugu State after dem beat well well Plus FC of Ngwo 4-1 to carry the Enugu State FA Cup.

Before Rangers na collect cup hold am until Crime Busters FC collect am from their hand for 2018.

The coach of Rangers wey dey happy dey laugh anyhow wey im name na Olugbenga Ogunbote come talk after the match say im players try wella so dem suppose win the match.

“The win sweet well well, especially because of how dem take flog us collect the cup last year. This one na, na im be say we don start to show people say the NFF/Aiteo Cup we win last year nor be play play matter.

“From now na, na to plan how we go dey play for any competition inside Nigeria. As we kukuma know say the tin nor easy at all,” Ogunbote talk.

The people wey dem flog 4-1, their coach wey im name na Anistar Izuikem, Star Plus FC’s come talk say im boys still try say na because the team dem follow play too sabi play ball na im make dem loose the match.

“wetin concern me be say we play our last match against strong team for semi final because wetin even carry us come be say na to qualify for the national competition and we qualify! Shikena!

“we dey go prepare well and make sure say we correct every of our mistake we do against Rangers so that we fit play well for the national competition,” Izuikem come talk.

Na Issif Traore and Bright Silas na them score for Rangers for 13th and 37th minutes.

Rangers continue to win the match untill Ousmane Zeidine come add another one to make am 3-0 for 53rd minute.

Pascal Seka add another one to make am 4-0 for 69th minute, before Ekezie Chinweike come manage score one for the 73rd minute make the beating nor too much.

 

leave a reply