Nor be small thing yesterday o! my borthers and sisters incase say you don sleep wen Manchester city and Leichester city play ball yesterday night.

Vincent Kompany tear net score one bad goal wey don make Manchester City siddon gidigba ontop of the table dey shine teeth say, dis season o, we don carry am las las.

Before before na Liverpool dey control on top the table after them bounce  Newcastle Untied on Saturday come use two solid point pass Manchester City. But as de tin come be na, even Buhari third term sure pass Liverpool EPL title win. Na joke o!

Anyways, Kompany goal don clear de road now for Man city to carry de season for de second time straight. But you need to see de way as Kompany, wey even still be their club head boy abi captain come begin cry anyhow like pikin wey im mama flog.

De guy nor even believe im eyes say e fit score dat kind goal say come say na defender im be. na so e just dey cry cry dey greet people yesterday after  de match finish for dia stadium wey dem call Etihard.

“I happy well well for de team. Dis club, e join wetin make we dey fit score goals like dis, for times like dis. We dey always believe say anytin can happen and we fit score even for last minute,” na so Kompany use im mouth talk.

“we just dey put pressure, dey play quick quick but we nor really get luck with to score. Dose guys sabi defend sha.  Dem try but we sef know say for we to score, sometin gatz happen. But we nor forget Brighton o, because say until we win brighton, we neva win o.”

Man City’s first clear chance na for 32minutes wen Aguero head de ball wan enter net but goalkeeper Kasper Schmeichel clear am comot from goal.

Again Aguero wan be score but dis desame goal keeper look Aguero for eye tell am say, guy nor be here o! before Kompany come hammer de keeper with one bad 25-yard shot enter top of de goal net around dat kin 70 minutes.

But Leichester nearly equalize wen dat naija boy, Kelechi Iheanacho wey be done play for Man City waste one clear chance wey e for take score. People dey talk say na im village people follow am go but abeg make we forget mata jare, kelechi fork up for dere.

Wetin happen don happen o my people. Wetin remain na for Manchester City to meet Brighton & Hove Albion for American Express Community Stadium on Sunday, wey be the final day of the season and Liverpool go waka alone go Wolverhampton Wanderers house for Anfield except say deir fan go follow dem with prayer say with God anytin is possible but as I dey see this match so, make I nor lie for you o, nearly cannot kill a bird o. make we neva conclude sha, everytin still dey baba God hand.


  • Its like you read my mind! You seem to know so much about this, like you wrote the book in it or something. I think that you can do with some pics to drive the message home a bit, but other than that, this is excellent blog. An excellent read. I’ll certainly be back.

leave a reply