NOR TRY AM COVER FACE FOR SRI LANKA O, JUST SEE WETIN SRI LANKA GO DO ANYBODY WEY WEAR CLOTH COVER FACE

O BOY! SRI LANKA GOVERNMENT DON VEX, DEM TALK MAKE ANYBODY NOR WEAR CLOTH COVER FACE AGAIN, MAKE THEM NOR EVEN TRY AM WEAR GLOTH COVER ALL THEIR BODY SEF

SEE WHAT SRI LANKA WILL DO TO ANYONE DRESSED WITH FACE COVERINGS OR ANY CLOTHING THAT OBSTRUCTS IDENTIFICATION

One week since wey dem bomb people for Easter day, wey plenty people wey even pass 300 people die, the government of Sri Lanka don talk say now na big offence and problem for anybody wey wear cloth cover im face and ontop say people no go fit even know who dey inside the cloth wey some people dey call niqabs and burqas.

Na the office of the president talk say the ban go begin work from on Monday because na quick quick them agree to put the law since wetin happen happen for the state capital for Colombo wey them bomb, kill people for Easter.

But say abeg the law nor just touch only Muslim women garb, burqa and niqab, as nor be only because of them the law take stand.

The Sri Lanka’s Justice Ministry come even talk say the law sef E don tey dem wan talk am say make peple nor dey wear Burqa and Niqab again but after wetin happen come happen, them come say make them kuku use rush rush talk make another one nor happen.

Na on Sunday, one group of Muslim leaders come join hand with the government draw ear for people come talk say make nobody wear any yamayama cloth cover body again oo, make anybody nor wey cloth cover im face so tey people nor go know who dey there.

Sri Lanka big o, na a whole 22 million people dey that country and almost all of them na Buddhist and small small Christians, Muslims and Hindus still dey there sha.

leave a reply