OMO AGEGE ISSA GOAL! COURT OF APPEAL DON GIVE COMMAND SAY DE APC WEY JONES ERUE BE OGA NA IM BE ORIGINAL APC

BREAKING: COURT OF APPEAL AFFIRMS OMO AGEGE, OGBORU APC FACTION AS AUTHENTIC

Court of Appeal for inside Benin, Edo State, don siddon gidigba talk say abeg o! na de  All Progessive Congress, APC, wey Jones Erue be dia leader for inside Delta State na im be de original APC group for Delta State.

Dis one come mean say dat man wey get mouth for APC for de state wey im name na Omo Agege, wey even win election wey go carry am go back to senate and anoda man wey bin contest for governorship election, wey im name na, Great Ogboru, and anoda strong man wey get mouth for APC for inside Delta State too, wey im name na Innocent Anidi, wey imsef too win de Delta State House of Assembly Ethiope East Local Government Area election, wit plenty plenty oda people wey dey dis Erue group wey contest, court don talk say na all of dem be de ogbonge candidate for APC for de state and de election wey dem do wey some take win and some nor take win so, say de election na correct one and de result na be de original result.

for inside de word wey de court talk, e say dat mata wey happen for inside de party before dem do election say, nor be play play mata and say de junior court wey con shuk mouth talk inside de mata, to say settle de mata nor even get power to shuk im mouth inside de mata at all. Say because na quarrel wey happen inside APC house, so dat court no get right and nor suppose to put mouth inside de mata.

The court con still even talk say wetin dat former APC oga kpatakpata wey im name na Oyegun, do wen im put cap ontop Cyril Obodo head con talk say na dem be de real APC for de state, de court say dat tin na wahala sometin wey bad. Na so the court con talk say na only people wey put hand for election wey nor win, na dem get power to carry de party go court go ask why dem nor win

But nor be for dis kin ordinary quarrel inside APC house wey na only APC suppose use im mouth settle de quarrel nor be court go settle am for dem and dis one wey dem don talk so for Court of Appeal na im be final.

leave a reply