Peoples Democratic Party, PDP, don talk say as dem still lock Sen. Ademola Adeleke for inside kirikiri don dey vex dem, say because na anyhow tin be dat. And so make dem release de man quick quick without say dem ask am to drop anytin.

PDP talk say na police for Abuja arrest Adeleke, wey be contest for Governor with PDP name for Osun.

De person wey dey tell people as e dey go for PDP, wey be de Party National Publicity Secretary, Kola Ologbondiyan, na open mouth yan all dis for journalist dem on Monday for Abuja.

Ologbondiyan shake head say no, dis kind arrest nor gud. Say na wetin fit vex person, wetin nor dey naija constitution and also na wetin All Progressives Congress, APC, don plan to take do wuruwuru for Adeleke tribunal case.

He say de arrest just rubbish de word way Osun State High Court, Ikirun, talk on Monday, wey tell police nor to touch am nor talkless of arrest am.

“Adeleke inside kirikiri na touble wy dem dey wan cause because dis kind tin nor dey our 1999 constitution.

“dis one so na plan wey APC wan use force Adeleke to run leave de position wey de people of Osun State put for im shoulder, wey even election petition tribunal com even stamp sef.

“de whole plan na to drag Adeleke go one yeye, fake magistrate court, ontop say dem dey accuse am say e nor get result abi dem talk say e result say na lie lie result. But even dis mata sef dey Federal High Court as we dey talk so.

“PDP right now dey talk say, with immediate alacrity, make police release Adeleke and make dem nor ask am for anytin.

As we dey talk na, Adeleke dey face serious gbege for court o! gbege wey even reach seven ontop different tori say e nor go school but e get result.

De first time dem arrest am, na Federal High Court for inside Abuja na tell de senator to go house go look im bodi for America as e nor well.

But dis time notin like dat o! De dancing senator as plenty people dey call am dey inside police net dey dance reggae blues na, say because police neva gree release am.

Na September 2018 be de first time dem catch am com talk say he dey do expo for inside exam. Nor be only im waka come o! im brother sef, Sikiru Adeleke and three other people na im federal government carry go court.

leave a reply