African Development Bank Group say dem don hear the cry of Ebonyi people say make dem clean their face smile because na US$70 million na im dem don agree to borrow the state to repair their road.
The Bank say but nor be all the money go come from their pocket o, say out of the money na only US$40 million dem go drop and another group go wey dem call Africa Growing Together Fund (AGTF), go borrow them the remaining balance of US$30 million.
The story wey the bank dey talk be say the money so, na to repair one road wey long well well so tey e start from one place wey dem dey call Nwezenvi and con still long reach another place wey im name na N’Doko. the repair go still touch another part of the road wey dey front of the dormort of N’Doko and con still long reach Ezzamgbo. Them say this repair nor be moi moi sometin o, say na correct five years dem go take do this work.
Them con talk say once them fit finish the work say nor be small development go enter Ebonyi state especially anytin wey concern agriculture because areas wey their work na just to do agric go come open for people. Say na like 1,400 work go come out for people to work for the road as dem wan repair am so.