STUBBORNNESS BAD O! SEE AS TRAIN KILL PEOPLE SCATTER FOR LAGOS

TRAGEDY IN LAGOS AS TRAIN CRUSHES 4 PEOPLE TO DEATH

Na four people na im die on Tuesday when train jam one keke napep for one area dem call Iju-Fagba for Lagos State.

Na the lagos state District Superintendent, Christian Madza, na im talk say na true true say this tin happen o, nor be rumor.

Madza talk say na the keke man do mistake oo, say e wan be smart pass the train but e nor fit.

“na wetin we don dey talk since be this so, nor play for rail line, nor tink say you smart so you wan do quick quick because the train na im right e dey so anything do you, you are on your own.

“the keke man be tink say e fit pass the rail line quick quick after the person wey dey stop people make train pass don stop everybody, na really sorry case be this” na Madza give this gist

E say na four people die inside the keke napep but one person nor die but injure well well sha.

The district superintendent come say abeg hurry hurry nor good say make people and even moto dey hear word and obey wey dem tell them say make dem wait so that all this kind tins nor go dey happen..

“people wey dey waka pass and even people wey drive moto nor dey gree obey instruction for railway line.

“We dey beg dem say abeg! Abeg! Make una hear word and follow instruction. Make una nor dey waka anyhow for railway road.

leave a reply