Edo state police station don talk say dem don catch the man wey dey kill people anyhow. Dem say the man just like to kill people wey nor do am anytin and na 38 people the don kill before dem catch am.
The talk talk person of the police for Edo State, Chidi Nwabuzor, come nak story talk say the man na Tuesday dem arrest am after aproko people talk where E dey hide put.
Nwabuzor say the man wey be 37years don even catch another person wey im wan be kill before police just show face and arrest am. Say that person like say the man kill am, for make am 39 people wey the man don kill but as e con happen the man nor fit kill the person again.
Na so Nwabuzor come dey put the story dey go, E say after dem catch the man, them carry am fast fast go the place wey dem dey put people like am, wey dem call ‘State Criminal Investigation Department. Dem come ask the man wetin happen and why E just dey kill people anyhow? The man con talk say true true he like to kill people and na 38 people he don kill. E con still talk other things wey police say na tins wey go help dem stop all this kind yamayama tins.
Na one big gun and two small gun dem take from the man after dem touch light E house
The talk talk person come say, their oga patapata for police wey im name na Mohammed DanMallam, don give them power and tell dem say this matter must not quench o, say make dem reach the bottom belle of the story.
Police for the state come dey beg the people wey dey live there say nothing spoil o, but say to avoid story that touch make everybody mind im business and face e front.