WAHALA DON LAND! ELECTION TRIBUNAL DON SCATTER DINO MELAYE, DRIVE AM COMOT SENATE

ELECTION TRIBUNAL SACK DINO MELAYE, ORDERS FRESH ELECTIONS

 

De National Assembly/State Assembly Election Petitions Tribunal wey sit down gidigba for inside Lokoja, Kogi State, Nigeria on Friday don scatter de election wey oga Senator Dino Melaye wey dey represent Kogi West take win.

Nor be only dat one o, d tribunal con talk say make dem do anoda election for dat senatorial district.

D tiri people for d panel wey deir oga be Justice A. O. Chijioke, agree togeda talk say wetin Adeyemi talk dem follow support am and so dey must do anoda election for dat.

Smart Adeyemi wey contest d election under APC na im carry Melaye  wey be PDP go tribunal say d election wey dem do, magomago enter so make dem cancel am.

D first time wey Dino Melaye win election take enter House of Representatives go represent Kabba/Ijumu federal constituency na for 2007. Na two terms he stay there and later he win election as senator for 2015. Again for February 2019 election, dem declare am winner of the election to serve anoda term for Senate.

leave a reply