De person wey be de Director of Korean Cultural Centre for Nigeria (KCCN), Lee Jin Su don talk say dat who sabi draw pass competition wey dem dey do for naija every year na to make sure say Nigeria and Korean Friendship strong wella.
na dem News Agency of Nigeria (NAN) na im Su tell dis mata wen dem go meet am dey ask am about de competition wey go happen inside Abuja. de man stil talk say dis year competition go make am de ninth time wey de competition don happen for naija.
“na 150 pupils from 35 primary schools (30 public and five Private) inside de Federal Capital Territory go follow for inside de competition.
“De bottom belle of de competition na to tighten de friendship wey Nigeria and Korea get. and make our young people to be friends. We want the children to grow up know say Nigeria and Korean na beta friends dem be.
“After them don draw finish, we go collect all de drawings and con invite judges to come and choose who de winner be. na for May 21, we go talk de winners,’’ na so Su talk.
Wetin Irene Okafor, wey be de person wey dey arrange de all tin, nor far from wetin Su don talk before. dis woamn wey be de oga kpatakpata fpr de competition and na she still be oga kpatakpata for Culture and Creative Arts, FCT Universal Basic Education Commission stil talk say de children wey dey inside de competition so, say na from de belle of de town dem bring dem come from.
“na from de belle of de town na we pick all dis children wey sabi draw well well. KCCN don even talk am many years ago.
“na every year na dem dey do de competition for the children and plenty of de children don sabi well well how to take draw and dem don become friend with each oda. use your eyes look dem na? dem dey play with each oda.
“Before now, we don arrange training for teachers; we even bring one artist wey follow train de teachers for de topic wey dem call `Freedom’. dis one na base on how Korean take suffer, struggle for Independence for over 100 years.
“so after dem teach de teachers finish, dem go classroom go teach de children so dat dem go fit draw tins wey relate to freedom; so we dey expect to draw anything wey concern,’’ Okafor con talk.
dem stil give de children plenty tins wey person fit use sabi draw wella.The pupils were given drawing materials to showcase their talents.