WHICH KIND WAHALA BE THIS? EBOLE DON FULL CONGO NOW O, EVEN E DON KILL MANY PEOPLE ONTOP SAY CONGO PEOPLE NOR GREE SAY EBOLA TRUE TRUE DEY

Na 27 people wey nor get Ebola before don catch Ebola sickness for Democratic Republic of Congo. Now, dem don be 126 Ebola  cases wey doctors dem don see for Congo.

The people wey dey in charge of Congo health ministry con talk say this na the highest number wey don ever catch the disease for the country since this sickness Ebole enter the country for August last year.

Nor be small wahala for congo as the disease just dey waka enter everywhere for the country’s eastern regions and this one na because say the people for that side nor gree cooperate with the doctors wey come help them pursue the disease.

Infact na five of those people them don fight in two months and one oga for the Health Organization official na im dem kill for there.

Nobody fit point finger talk say see who dey fight or kill this doctors but many people dey talk am small small say na all those area boys wey dey do jaguda na them dey fight this people say make them nor treat anybody because they suspect say na wuruwuru dem dey do, say nothing like Ebola dey exist for this life.

Even with that, na 891 people don die for Congo o ontop Ebola matter and them say like 500 people carry the disease as you and me dey talk so.

leave a reply